ᑲᑎᒪᓂᐊᕈᓰᑦ ᐊᐅᓚᓂᑦᓴᖏᑦ

ᐃᓪᓗᕈᓯᖅ 104 – 9:30 AM – 10:30 AM

ᑲᐅᕈᓪᑕᓐ ᓯᓚᑦᑐᓴᕐᕕᕐᔪᐊᖓ (Carleton University)
ᖃᐅᔨᒪᔭᕆᐊᖃᖅᑕᓕᒫᑎᑦ ᓄᓇᖃᖅᑳᖅᓯᒪᔪᓂᑦ ᐃᑲᔪᖅᓯᒋᐊᒃᑲᓐᓂᕐᓂᕐᒧᑦ ᐃᓕᓐᓂᐊᕋᑦᓴᖅ (IESP)

ᑖᓐᓇ ᑲᑎᒪᓂᐊᕈᓯᖅ ᑕᑯᑎᑦᓯᓂᐊᖅᑐᖅ ᑲᐅᕈᓪᑕᓐ ᓯᓚᑦᑐᓴᕐᕕᕐᔪᐊᖓᑕ ᓄᓇᖃᖅᑳᖅᓯᒪᔪᓂᑦ ᐃᑲᔪᖅᓯᒋᐊᒃᑲᓐᓂᕐᓂᕐᒧᑦ ᐃᓕᓐᓂᐊᕋᑦᓴᖅ (IESP), ᐊᖅᑯᑎᑦᓴᐅᓪᓗᓂ ᓄᓇᖃᖅᑳᖅᓯᒪᔪᓄᑦ ᐃᓄᓐᓄᓪᓗ ᐃᓕᓐᓂᐊᖅᑎᓄᑦ ᖁᑦᓯᓐᓂᖅᓴᒥ ᐃᓕᓐᓂᐊᒃᑲᓐᓂᕈᓐᓇᖁᓪᓗᒋᑦ ᐃᑲᔪᖅᑐᖅᑕᐅᓇᖅᑐᒦᓪᓗᑎᑦ. ᐃᓚᐅᖃᑕᐅᔪᑦ ᐃᓕᑉᐸᓪᓕᐊᓂᐊᖅᑐᑦ ᖃᓄᖅ IESP ᐃᑲᔪᖃᑦᑕᕐᒪᖔᖅ ᐃᓐᓇᐅᓕᖅᑐᓂᒃ ᐃᓕᓐᓂᐊᖅᑎᓂᒃ ᐊᒻᒪᓗ ᓄᑖᓂᒃ ᐱᔭᕇᖅᓯᔪᓂᒃ ᓯᓚᑦᑐᓴᕐᕕᕐᔪᐊᕐᒧᑦ ᓯᕗᓪᓕᖅᐹᒥ ᐊᕐᕌᒍᒥ ᐃᓕᓴᕆᔭᐅᔾᔪᑎᑖᕋᓱᐊᖅᑎᓪᓗᒋᑦ, ᑕᐃᒪᐃᓪᓗᐊᖃᑎᒥᓄᑦ ᐃᓕᓴᐃᔨᖃᕐᓂᒃᑯᑦ, ᐃᓕᓐᓂᐊᕐᓂᕐᒧᑦ ᑲᒪᔨᐅᓂᒃᑯᑦ, ᐊᒻᒪᓗ ᐃᓕᖅᑯᓯᕐᒧᑦ ᑲᓱᖅᓯᒪᒍᑎᑦᓴᓄᑦ.

ᐅᖃᖅᑏᑦ: ᕋᐃᓕ ᒎᑎᓐ Rylee Godin, ᐃᓅᓯᓕᕆᔨ ᐊᒻᒪᓗ IESP ᖃᐅᔨᒪᔨᒻᒪᕆᒃ ᐊᒻᒪᓗ ᕗᕌᓐᑯ ᐳᓯᒥ Franco Buscemi, ᐃᓄᐃᑦ ᓄᓇᓕᖏᓐᓂᑦ ᑐᓴᐅᒪᑎᑦᓯᔨ
ᖃᓄᑎᒋ ᐊᑯᓂᐅᓂᖓ: 1 ᐃᑲᕐᕋᖅ/ᑲᐃᕙᓪᓚᒍᓯᖅ (45-ᑎᑦᑕᐃᑦ ᑐᓴᖅᑎᑦᓯᒍᑎᖃᕐᓂᖅ ᒪᓕᑦᑕᐅᓗᓂ ᐊᐱᖅᑯᑎᓄᑦ ᑭᐅᔭᐅᖃᑦᑕᕐᓂᖏᓐᓂᓗ)

ᐃᓪᓗᕈᓯᖅ 106 - 09:30 10:30

ᓯᕗᒧᑦ
ᐅᐸᓗᖓᐃᔭᕈᑎᖃᕐᓂᖅ ᐊᐅᓚᑦᓯᓂᕐᒥ ᑎᒍᓯᕙᓪᓕᐊᑎᓪᓗᒋᑦ ᓄᓇᕗᒻᒥ: ᓄᐃᑎᕆᓂᖅ ᐱᕕᑦᓴᖃᖅᑎᑦᓯᓂᕐᒥ ᐱᕈᖅᐸᓪᓕᐊᑎᑦᓯᓂᕐᓗ ᐊᔪᙱᓐᓂᖃᖅᑐᓂᑦ

ᑖᓐᓇ ᑲᑎᒪᓂᐊᕈᓯᖅ ᖃᐅᔨᓇᓱᓐᓂᐊᖅᑐᖅ ᐊᑐᓕᖅᑎᑦᓯᓂᕐᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᖃᓄᖅᑑᕈᑕᐅᓯᒪᔪᓂᑦ ᐊᐅᓚᑦᓯᓂᕐᒥ ᑎᒍᓯᕙᓪᓕᐊᑎᓪᓗᒋᑦ, ᓵᙵᕕᖃᓗᐊᖅᓱᓂ ᐃᖅᑲᓇᐃᔭᖅᑎᓂᒃ ᐱᕙᓪᓕᐊᑎᑦᓯᓂᕐᒥᒃ, ᐃᓕᓐᓂᐊᕐᓂᕐᒥᒃ, ᐊᔪᕈᓐᓃᖅᓴᐃᓂᕐᒥᓪᓗ ᐃᑲᔪᖅᑐᖅᑕᐅᖁᓪᓗᒋᑦ ᓄᓇᕗᒻᒥᐅᑦ, ᐱᓗᐊᖅᑐᒥ ᐃᓄᐃᑦ, ᑎᒍᓯᕙᓪᓕᐊᑎᓪᓗᒋᑦ ᐊᐅᓚᑦᓯᓂᕐᒧᑦ ᐃᖅᑲᓇᐃᔮᓂᒃ. ᐃᓚᐅᔪᑦ ᐃᓕᒍᑎᖃᕐᓂᐊᖅᑐᑦ ᐃᑲᔪᖅᓯᒋᐊᕐᓂᕐᒧᑦ ᐱᒋᐊᖅᑎᑕᐅᔪᓂᒃ, ᐋᖅᑭᓱᖅᑕᐅᓯᒪᔪᑦ ᐃᓕᓐᓂᐊᕐᓂᕐᒧᑦ ᐊᖅᑯᑎᑦᓴᑦ, ᐊᒻᒪᓗ ᐃᖅᑲᓇᐃᔭᖅᓯᓐᓈᑦ ᐊᔪᕈᓐᓃᖅᓴᖅᑕᐅᓂᕐᓄᑦ ᐱᓕᕆᐊᖑᔪᓂᒃ ᓴᓇᔭᐅᓯᒪᓪᓗᑎᑦ ᐊᔪᕈᓐᓃᖅᓴᐃᓂᕐᒧᑦ ᓄᓇᒥᒃ ᐃᑲᔫᑎᑦᓴᓂᓪᓗ ᐊᐅᓚᑦᓯᓂᕐᒥᒃ ᓄᓇᕗᒻᒥ.

ᐅᖃᖅᑏᑦ: ᔨᒥ ᔮᑯᐊᑦ Jimmy Jacquard, ᐃᐅᕆᒃ ᑯᐊᓄ Eric Corneau ᐊᒻᒪᓗ ᓕᐊ ᐊᔭᕈᐊᖅ-ᒪᑲᐃ Leah Ayaruaq-McKay
ᖃᓄᑎᒋ ᐊᑯᓂᐅᓂᖓ: 2 ᐃᑲᕐᓚᐃᑦ/ᑲᐃᕙᓪᓚᒍᓰᑦ

ᐃᓪᓗᕈᓯᖅ 102 – 1:15 PM – 2:45 PM

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ / ᐊᒻᐱᐅᕐ (Ampere)
ᓯᕕᑐᓯᒋᐊᕐᓂᖅ ᖃᕆᑕᐅᔭᒃᑰᖅᑐᓂ ᐱᕕᑦᓴᖃᖅᑎᑕᐅᒍᑎᓂᑦ: ᐃᓄᓐᓂᑦ ᐃᖅᑲᓇᐃᔭᕈᓐᓇᖅᑐᓂᑦ ᐱᕙᓪᓕᐊᑎᑦᓯᓂᖅ ᐊᑐᖅᑕᐅᓗᑎᑦ ᐱᓕᕆᔾᔪᑎᑦᓴᓕᐊᖑᓯᒪᔪᑦ

ᑖᓐᓇ ᑲᑎᒪᓂᐊᕈᓯᖅ, ᓯᕗᓕᖅᑕᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (QIA) ᐊᒻᒪᓗ Ampire ᑲᑐᔾᔨᖃᑎᒌᖏᓐᓄᑦ, ᐊᔪᕿᖅᑐᐃᒍᑎᖃᕐᓂᐊᖅᑐᑦ ᑐᑦᑕᕐᕕᒃ ᖃᕆᑕᐅᔭᒃᑯᑦ ᑐᑦᑕᕐᕕᒻᒥ, ᐃᑲᔫᑎᒃᓴᖅ ᐋᖅᑭᑦᑕᐅᓯᒪᔪᖅ ᐃᑲᔪᕐᓂᖃᕐᓂᐊᖅᑎᓪᓗᒍ ᐃᓄᓐᓂᑦ ᐃᖅᑲᓇᐃᔮᑦᓴᖅᓯᐅᖅᑎᓄᑦ ᐃᖅᑲᓇᐃᔭᖅᑎᑦᓯᔨᓄᓪᓗ ᐊᖅᑯᑎᒋᓂᐊᖅᑕᖏᓐᓄᑦ ᖃᕆᑕᐅᔭᒃᑯᑦ ᑮᓇᐅᔭᓕᐅᕈᑎᑦᓴᓄᑦ. ᐃᓚᐅᖃᑕᐅᔪᑦ ᐃᓕᒍᑎᖃᕐᓂᐊᖅᑐᑦ ᖃᓄᖅ ᖃᕆᑕᐅᔭᒃᑯᑦ ᓴᓇᕐᕈᑎᑦ ᐱᕚᓪᓕᕈᑕᐅᖕᒪᖔᑕ ᐃᖅᑲᓇᐃᔭᖅᑎᓂ ᐱᕙᓪᓕᐊᑎᑦᓯᓂᕐᒥᒃ, ᐊᑕᐅᓯᕈᖅᑎᑕᐅᓗᑎᓗ ᐃᖅᑲᓇᐃᔮᑦᓴᓄᑦ ᑐᑦᓯᕋᐅᑏᑦ, ᐊᒻᒪᓗ ᐊᑐᐃᓐᓇᐅᑎᑦᓯᓂᕐᒥᒃ ᓇᒻᒥᓂᖅ ᐋᖅᑭᑦᓱᖅᑕᐅᓯᒪᔪᓂᒃ ᐃᖅᑲᓇᐃᔮᑦᓴᓂᒃ ᐱᓕᒻᒪᒃᓴᐃᓂᕐᒧᓐᓗ ᐱᕕᑦᓴᖃᕐᓕᕐᒥ ᐃᓄᓐᓄᑦ. ᐱᓪᓚᑦᑖᖅᑐᓄᑦ ᐃᓚᒋᔭᐅᓗᓂ, ᐃᓕᓐᓂᐊᖅᑏᑦ ᓄᓇᕗᑦ ᓯᕗᓂᒃᓴᕗᑦᒥ ᐱᓕᕆᖃᑎᖃᕐᓂᐊᖅᑐᑦ ᑐᑦᑕᕐᕕᒃᑯᑦ ᐃᑭᐊᖅᑭᕕᖓᒍᑦ, ᑐᓴᖅᑎᑦᓯᓗᑎᒃ ᐅᖃᐅᓯᑦᓴᒥᓂᑦ, ᐃᑲᔪᕐᓗᑎᓪᓗ ᐱᕙᓪᓕᐊᑎᑦᓯᓂᕐᒥᒃ ᐃᓕᓐᓂᐊᕈᑎᑦᓴᓂᒃ ᐃᓗᓕᖏᓐᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ QSTART ᖃᕆᑕᐅᔭᒃᑯᑦ ᐃᖅᑲᓇᐃᔮᓄᑦ ᐅᐸᓗᖓᐃᖅᓯᒪᓂᕐᒧᑦ ᐱᒋᐊᖅᑎᑕᐅᓯᒪᔪᒧᑦ.

ᐅᖃᖅᑏᑦ: ᑯᕆᔅ ᒧᓚᓕ (Kris Mulaly), ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᔭᐃᓐ ᑖᓚᐃᓐ (Jane Darline), ᐊᒻᐱᐊ (Ampere)
ᖃᓄᑎᒋ ᐊᑯᓂᐅᓂᖓ: 1.5 ᐃᑲᕐᕋᐃᑦ/ᑲᐃᕙᓪᓚᒍᓰᑦ

ᐃᓪᓗᕈᓯᖅ 102 – 3:30 – 4:30

ᑳᓐᕗᐊᕐ (Cannor)
ᖁᕕᐊᓲᑎᖃᕐᓂᖅ 15ᓂᑦ ᐊᕐᕌᒍᕐᓂᑦ!

ᐃᓚᐅᖃᑕᐅᒋᑦ ᐊᔾᔨᐅᖏᑦᑐᒃᑯᑦ ᖁᕕᐊᓲᑎᖃᖅᑎᓪᓗᑕ ᓇᓗᓇᐃᖅᓯᓂᕐᒥᑦ ᐊᕐᕌᒍᓄᑦ 15−ᓄᑦ ᑲᓇᑕᒥ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓᑦ (CanNor). ᑐᓴᖅᑎᑦᓯᓗᑎᑦ ᑎᑭᐅᑎᓂᕆᓯᒪᔭᒥᓂ, ᑲᔪᓯᑦᓯᐊᖅᓯᒪᓂᕐᒧᑦ ᐅᓂᒃᑳᖅᑐᑦ, ᐊᒻᒪᓗ ᐊᓯᔾᔨᕈᑕᐅᓯᒪᔪᓂᒃ ᐊᑦᑐᐃᓂᖃᖅᓯᒪᓂᖓ ᑳᓐᓄᐊᒃᑯᑦ ᐅᑭᐅᖅᑕᖅᑐᒥ ᓄᓇᓕᖕᓂ ᐊᕐᕌᒍᓄᑦ 15-ᓄᑦ. ᐅᐸᒍᑎᓯᒪᔪᑦ ᐱᕕᑦᓴᖃᕐᓂᐊᖅᑐᑦ ᑕᑯᒋᐊᕈᑎᖃᕐᓗᑎᑦ ᑭᖑᓂᑦᑎᓐᓂ ᐱᓕᕆᐊᖑᓯᒪᔭᒥᖕᓂᒃ, ᐅᖃᖃᑎᖃᕈᓐᓇᕐᓗᑎᑦ ᑳᓐᓄᐊᒃᑯᑦ ᓯᕗᓕᖅᑎᖏᓐᓂᒃ, ᕿᒥᕐᕈᒋᐊᕐᓗᑎᓪᓗ ᓯᕗᓂᑦᓴᑎᓐᓂ ᐊᖅᑯᑎᒋᔭᐅᒍᓐᓇᖅᑐᓂᒃ ᒪᑭᒪᔾᔪᑕᐅᖏᓐᓇᕈᓐᓇᖅᑐᓂ ᑮᓇᐅᔭᑎᒍᑦ ᓄᓇᕗᒻᒥ.

ᖃᓄᑎᒋ ᐊᑯᓂᐅᓂᖓ: 1 ᐃᑲᕐᕋᖅ/ᑲᐃᕙᓪᓚᒍᓯᖅ

ᐃᓪᓗᕈᓯᖅ 104 – 1:30PM – 3:00PM

ᖃᑯᖅᑕᖅ ᐊᐅᔪᐃᑦᑐᖅ (White Glacier)
ᓄᑖᒥᒃ ᓴᖅᑭᑦᑎᓂᖅ ᐅᑭᐅᖅᑕᖅᑐᒥ ᐊᑦᑕᕐᓇᖅᑕᐃᓕᒪᓂᕐᒧᑦ:  ᓂᓪᓕᓇᖅᑐᓄᑦ ᐃᒪᖅᒨᑎᑦᓯᓂᕐᒧᑦ ᐱᓕᕆᔾᔪᑎ

ᑖᓐᓇ ᑲᑎᒪᓂᐊᕈᓯᖅ ᓇᓗᓇᐃᔭᐃᒍᑎᖃᕐᓂᐊᖅᑐᖅ ᓱᓇᐅᓂᖓᓂ ᐅᑭᐅᖅᑕᖅᑐᒥ Arctic 10+, ᓯᕗᒧᐊᑦᓯᒪᓂᖅᐹᖅ ᓂᓪᓚᓱᑦᑐᒥ-ᐃᒪᕐᒥ ᓯᐴᓗᑕᖅ ᐊᓐᓄᕌᖅ ᓴᓇᔭᐅᓯᒪᔪᖅ ᐅᑭᐅᖅᑕᖅᑐᒥ ᐊᐅᓚᓂᐅᔪᓄᑦ. ᑖᓐᓇᑑᓪᓗᒥ ᐊᓐᓄᕌᖅ ᒪᓕᓐᓂᓕᒃ ᐅᓪᓗᓄᑦ ᑕᓪᓕᒪᓄᑦ ᐃᓅᓇᓱᐊᕐᓂᕐᒧᑦ ᒪᓕᑦᑕᐅᔭᕆᐊᖃᖅᑐᓂ ᐅᑭᐅᖅᑕᖅᑐᒥ ᒪᓕᒐᕐᓂᒃ, Arctic 10+ ᑭᒡᒐᖅᑐᐃᔪᖅ  ᐊᑐᖅᑕᐅᒋᐅᖅᑐᒥ ᓄᑖᖑᔪᒥᒃ ᑕᕆᐅᕐᒥ ᐊᒻᒪᓗ ᓂᓪᓚᓱᑦᑐᒥ-ᐊᕙᑎᒥ ᐊᑦᑕᕐᓇᐃᖅᓯᒪᓂᕐᒥ. ᐃᓚᐅᔪᑦ ᐃᓕᒍᑎᖃᕐᓂᐊᖅᑐᑦ ᓄᑖᖑᓪᓗᓂ ᓴᓇᓯᒪᓂᖓᓂ, ᓇᓗᓇᐃᒃᑯᑕᖅᑖᖅᑎᑦᑎᓂᕐᒧᑦ ᒪᓕᑦᑕᐅᒋᐊᓕᒻᒥ, ᐊᒻᒪ ᐱᒻᒪᕆᒻᒥ ᐊᑐᖅᑕᐅᓂᖏᖓ ᐅᑭᐅᖅᑕᖅᑐᒥ ᐱᓕᕆᕕᐅᔪᓂ .

ᐅᖃᖅᑏᑦ: ᑎᐊᒍ ᔭᐃᑯᑉᓴᓐ (Diego Jacobson), ᐊᐅᓚᑦᓯᔨᒻᒪᕆᒃ, ᖃᑯᖅᑕᖅ ᐊᐅᓱᐃᑦᑐᖅ (White Glacier)
ᖃᓄᑎᒋ ᐊᑯᓂᐅᓂᖓ: 1.5 ᐃᑲᕐᓚᐃᑦ/ᑲᐃᕙᓪᓚᒍᓰᑦ

ᐃᓪᓗᕈᓯᖅ 106 – 1:30PM – 4:30PM

ᓱᓕᔪᕐᓇᓕᖅᑎᑦᓯᔪᑦ (Trustmakers)
ᓱᓕᔪᒥᒃ ᑐᓴᐅᒪᖃᑎᒌᓐᓂᖅ: ᓱᓕᔪᕐᓇᓕᖅᑎᑦᓯᓂᖅ ᐃᑲᔪᖅᑐᐃᓂᕐᓗ ᐅᑭᐅᖅᑕᖅᑐᒥ

ᑖᓐᓇ ᑲᑎᒪᓂᐊᕈᓯᖅ ᖃᐅᔨᓇᓱᓐᓂᐊᖅᑐᖅ ᖃᓄᖅ ᑐᑭᓯᓇᑦᓯᐊᖅᑐᒥᒃ, ᓱᓕᔪᒥᒃ ᑐᓴᐅᒪᖃᑎᒌᓐᓂᖅ ᓱᓕᔪᕐᓇᓕᖅᑎᑦᓯᒍᑕᐅᕙᒻᒪᖔᖅ ᐃᑲᔪᖅᑐᖅᑕᐅᕙᒻᒪᖔᕐᓗ ᐃᖅᑲᓇᐃᔭᖅᑎᓪᓗᒋᑦ ᐃᓄᐃᑦ ᓄᓇᖓᓐᓂ. ᑎᒍᔭᐅᓯᒪᓪᓗᑎᑦ ᐃᓕᓐᓂᐊᕈᑎᑦᓴᓕᐊᖑᓯᒪᔪᓂ ᐃᓕᑉᐸᓪᓕᐊᓂᐊᖅᑐᑦ ᑐᓴᕋᑦᓴᓕᕆᔨᓂᒃ ᐱᓕᕆᖃᑎᖃᕐᓂᕐᒥᒃ, ᑭᒃᑯᑐᐃᓐᓇᕐᓄᑦ ᐅᖃᕈᓐᓇᕐᓂᕐᒥᒃ ᐊᒻᒪᓗ ᐃᓱᒪᑦᓴᖅᓯᐅᕈᑎᑦᓴᓂᒃ ᓴᖅᑭᑦᑎᔪᓐᓇᕐᓂᕐᒥᒃ ᐋᖅᑭᑦᓱᖅᑕᐅᓯᒪᔪᓂᒃ ᐅᑭᐅᖅᑕᖅᑐᒥ ᑐᕌᕐᕕᐅᔪᓄᑦ. ᑲᑎᒪᓂᐊᕈᓯᖅ ᓵᙵᕕᖃᕐᓂᐊᖅᑐᖅ ᓅᒋᐊᕈᒪᓂᕐᒧᖅ ᐱᑐᖃᐅᓗᐊᓕᖅᑐᓂ ᑐᓴᐅᒪᑎᑦᓯᔾᔪᑎᓂᒃ ᐊᑐᕈᓐᓃᕐᓗᑎᒃ ᓇᒻᒥᓂᕐᓗ ᓴᖅᑭᔮᖅᑎᑦᓯᓂᕐᒥᒃ, ᐊᑐᖔᕐᓗᑎᑦ ᓱᓕᔪᓂᒃ, ᑐᓴᐅᒪᖃᑎᒌᑦᓯᐊᕐᓂᕐᒥᒃ ᐃᓚᐅᑎᑦᓯᓗᑎᒃ ᓄᓇᓕᓐᓂᒃ, ᐃᓱᒪᓕᐅᖅᑎᓂᒃ, ᑮᓇᐅᔭᖃᖅᑎᑦᓯᔨᓂᒃ ᐊᒻᒪᓗ ᐱᓇᓱᐊᖃᑕᐅᔪᓂᑦ.

ᐅᖃᖅᑏᑦ: ᔮᓐ ᒪᑲᐃ (John McKay), ᓴᖅᑭᑦᑎᔨᐅᖃᑕᐅᔪᖅ ᐊᒻᒪ ᐊᖓᔪᖅᑳᖅ; ᐹᓪ ᔨᐅᕈ (Paul Giroux), ᐊᖓᔪᖅᑳᖑᖃᑕᐅᔪᖅ; ᓘᓯ ᕚᓐ ᐆᓪᑕᓐᐹᓐᕕᐅᓪ ; (Lucy Van Oldenbarneveld), ᐃᑲᔪᖅᑎᖓ; ᑕᕝᕙᙵᑦ Trustmakers.ca (ᕉᑕᕗᐊᑦ ᒪᑲᐃ (Rutherford McKay) ᑲᑐᔾᔨᖃᑎᒌᑦ)